Ўзбекистон футбол ассоциацияси томонидан ҳар бир вилоятдаги футбол мураббийларининг касбий маҳорати синовдан ўтказилаётгани ҳақида хабар берган эдик.
Жами 1500 нафардан ортиқ мураббийлардан имтиҳонлар олинган бўлса, шулардан 400га яқин мураббийларга икки ой синов муддати берилганди. Белгиланган режа асосида, икки ойлик муддатдан сўнг улардан қайтадан имтиҳон олиш жараёни давом этмоқда.
Мураббийлар билимларини қайтадан синовдан ўтказиш навбати Фарғона вилоятига етиб келди. Фарғоналик футбол мураббийлари берилган муддат давомида қай даражада ўз устида ишлаганлари қайти назоратдан ўтказилмоқда.
Эслатиб ўтамиз, имтиҳон давомида мураббийларнинг машғулотлар олиб боришга қандай тайёргарлик кўрганликлари, конспект ёзиш, майдонни машғулотга тайёрлаш, машғулот давомида болаларга кўрсатмалар бериб бориш усуллари, мураббийнинг машғулот давомида ўзини тутиши, футболчиларнинг машғулотдаги хатоларини аниқлаш, кўрсатиб бориш ва ўша хатоларни тўғирлаш борасида амалга оширадиган хатти-ҳаракатлари текширилмоқда.
Шунингдек, мураббийларнинг машғулот пайтида болаларни назорат қилиб бориш учун позиция танлашдаги билим ва кўникмалари ҳамда машғулот давомидаги фаоллиги кўздан кечирилади.
Берилган имкониятдан фойдалана олмай, имтиҳонда салбий натижа кўрсатган мураббийлар лицензиясидан маҳрум қилинади.
Винисиус "Реал"га шарт қўйди: "Агар бу футболчи келса, мен кетаман!" [9339]
"Реал" мухлисларини хурсанд қиладиган хабар чиқди [7373]
"Арсенал" ўз юлдузлари билан хайрлашишга тайёрланмоқда [4219]
Арбелоа «Сельта»га қарши ўйинда ҳужум чизиғида янгилик тайёрламоқда [3735]
Адама Траорега тренажёр залига кириш тақиқланди [3227]
Алексис Макаллистер Ла Лигага йўл олиши мумкин [2401]
Zo'r TV телеканали 6-март куни «Сельта» - «Реал» баҳсини жонли трансляция қилади [2018]
Фигу Мбаппени огоҳлантирди [1761]
«Реал Мадрид»нинг «Сельта»га қарши қайдномаси маълум: Лазарет тўлган, Арбелоа ёшларни чақирди [1688]
Фликнинг «Барселона»даги тақдири нимага боғлиқ эканлиги маълум бўлди [1652]
