Мадриднинг “Атлетико” клуби мtнхенгладбахнинг “Боруссия” клуби етакчиси Торган Азарга қизиқиб қолди. Бу ҳақда Bild нашри хабар бермоқда.
Манбанинг хабарига кўра, 25 ёшли футболчи немис клуби билан янги шартнома имзолашни хоҳламаган эди. Футболчининг “Боруссия” билан тузилган амалдаги шартномаси 2020 йилгача мўлжалланган. Азарнинг трансфер нархи тахминан 25 миллион еврога баҳоланмоқда.
Эслатиб ўтамиз, Торган Азар 2015 йил “Челси”дан “Боруссия”га кўчиб ўтганди. Жорий мавсум у 12 та ўйинда 8 та гол урган ва 5 та голга ассистентлик қилган.
