Европа чемпионлар лигасида энг чигал вазият "С" гуруҳида юзага келган. "Наполи" ўз майдонида "Црвена Звезда"ни қабул қилиб, 3:1 ҳисобида ғалаба қозонди. Анчелотти шогирдлари ўз очколарини 9тага етказиб, гуруҳда пешқадам бўлиб олишди.

ЕЧЛнинг 5-тур доирасидаги марказий ўйин Парижда бўлиб ўтди. "ПСЖ" Англиянинг "Ливерпуль" жамоасига қарши баҳс олиб бориб, қийин ўйинда ғалаба қозонди.

Парижликлар 13 ва 37-дақиқаларда чап қанот бўйлаб ҳужум ташкил қилишди ва иккита гол уришга муваффақ бўлишди. Дастлаб Бернат, иккинчи вазиятда эса Неймар тўпни Алиссон Беккер қўриқлаётган дарвозага жойлаб қўйди. Биринчи бўлимга қўшиб берилган дақиқаларда Манега нисбатан ишлатилган қўполлик учун "ПСЖ" дарвозасига пенальти белгиланди. 11 метрлик жарима зарбасини Милнер аниқ амалга ошириб, ҳисобни тенглаштирди.

Иккинчи бўлим асабий кечди. Тухель шогирдлари ғалабани сақлаб қолишга муваффақ бўлишди. Натижада парижликлар 8 очко билан 2-ўринга кўтарилиб олишди.

Ҳозирда 6 очко тўплаб турган мерсисайдликлар сўнгги турда "Наполи"ни қабул қилишади. Бу ўйинда "Ливерпуль"ни ҳар қандай ҳисобдаги ғалаба қаноатлантиради. "ПСЖ" эса 11 декабрь куни "Црвена Звезда" майдонига сафар қилади.

Европа чемпионлар лигаси, "С" гуруҳи, 5-тур
ПСЖ Франция – Ливерпуль Англия 2:1 (2:1, 0:0)
Голлар: 1:0 – 13 Бернат, 2:0 – 37 Неймар, 2:1 – 45, пенальти Милнер.
ПСЖ – Буффон, Тиаго Силва, Кимпембе, Бернат, Маркиньос, Ди Мария (Дани Алвес, 65), Верратти, Керер, Неймар, Мбаппе (Рабьо, 85), Кавани (Шупо-Мотинг, 65).
Ливерпуль – Алиссон, Ловрен, Робертсон, Гомес, ван Дейк, Милнер (Шакири, 77), Хендерсон, Вейналдум (Кейта, 66), Мане, Салах, Фирмино (Старриж, 71).
Огоҳлантиришлар: Вейналдум (17), Верратти (24), Гомес (34), Старриж (84), ван Дейк (90), Робертсон (90), Неймар (90), Кейта (90).

Наполи Италия – Црвена Звезда Сербия 3:1 (2:0, 1:1)
Голлар: 1:0 – 11 Гамшик, 2:0 – 33 Мертенс, 3:0 – 52 Мертенс, 3:1 – 57 Бен-Набуан.
Наполи – Оспина, Альбиоль (Хюсай, 46), Мариу Руй, Максимович, Кулибали, Фабиан Руис, Аллан, Кальехон (Рог, 86), Гамшик, Инсинье (Зелиньски, 77), Мертенс.
Црвена Звезда – Борян, Дегенек, Бабич, Родич, Крстичич, Гобелич, Марин, Симич (Эбесилио, 77), Срнич (Йованчич, 64), Стоилькович (Йовелич, 46), Бен-Набуан.
Огоҳлантиришлар: Крстичич (45), Йованчич (75), Гобелич (81), Хюсай (89).