“Манчестер Юнайтед” собиқ мураббийи Жозе Моуриньо истеъфоси бўйича расмий баёнот берди.

“Мен “Манчестер Юнайтед” рамзи туширилган кийимни кийган кунимдан бошлаб, қаттиқ ғурурни ҳис этдим. Мухлислар буни тушунишган деб ўйлайман.

Аввалги клубларда бўлгани каби, бу ерда ҳам ажойиб инсонлар билан бирга ишладим. Ўйлайманки, улардан айримлари менинг бир умрлик содиқ дўстимга айланишади.

Сизлар менинг профессиональ тамойилларим ҳақида яхши биласиз, Менда шахсий принциплар мавжуд. Ҳар қайси ишни якунлагандан сўнг ўзимнинг чуқур ҳурматимни кўрсатаман ва ҳеч қачон собиқ ҳамкасбларим ҳақида ёмон гапирмайман.

Умид қиламанки, ОАВ менинг позициямга ҳурмат билан ёндошади ва қайта ишлашни бошлагунимга қадар оддий ҳаёт кечиришимга руҳсат беради”, – деган Моуриньо баёнотида.