Турининг “Ювентус” клуби собиқ футболчиси Милош Красич фаолиятини якунлаши ҳақида эълон қилди.

Унинг сўнги клуби польшанинг “Легия” клуби эди. У декабрь ойининг бошида мазкур жамоа сафини тарк этганди.

“Мен фаолиятимни якунламоқчиман. Мен вақтимни оилам билан барга ўтказмоқчиман. Бирорта жамоанинг техник директори бўлмоқчиман. Шу сабабли УЁФАдан Pro лицензиясини олмоқчиман. Бу бизнинг янги лойиҳа бўлади”, дейди Красич.

Эслатиб ўтамиз, 34 ёшли футболчи фаолияти давомида “Войводин”, ЦСКА, “Ювентус”, “Фенербахче” ва “Бастия” жамоаларида тўп сурган. У Сербия терма жамоаси сафида 46 та ўйинда майдонга тушиб, 3 та гол урган.