“Аль-Айн” клубининг хорватиялик устози Зоран Мамич бугун бўлиб ўтадиган КЎЖЧ финалидан олдин фикр билдирди. 

Финал ҳақида: “Бу ерда ажойиб атмосфера ҳукмрон. “Реал” кучли жамоа ва биз ўзимизни рақиб билан тенглаштира олмаймиз. Аммо бизда “Реал”ни мағлуб этишга бўлган жуда кучли иштиёқ бор ва бундан фойдаланамиз”.

Жамоанинг ҳолати ҳақида: “Охирги пайтларда жуда кўп ўйин ўтказдик. Футболчиларда чарчоқ бор, ўйинчилар толиққан. Аммо ротациялар туфайли биз ўйинга тайёр бўламиз”.

“Аль-Айн”нинг имконияти ҳақида: "Ҳеч нарса дея олмайман, бу футбол. Биз ғалабага ишонишимиз керак. Мен ҳар бир ўйинда ғолиб бўлишни хоҳлайман. Аммо шуниси аниқки, “Реал” — бу “Мерседес”, биз эса “Смарт" кабимиз”, деди Мамич.