Покистоннинг Лаҳор шаҳрида чим устида хоккей бўйича «Hockey Series Open» халкаро турнирининг биринчи босқич баҳслари ўтказилаётганлиги ҳақида хабар қилгандик. Мусобақада Ўзбекистон терма жамоаси ҳам иштирок этмоқда.
Бунгача вакилларимиз Афғонистон терма жамоасини 11:0, Непални эса 6:1 ҳисобида мағлубиятга учратгандилар. Бугун гуруҳдаги сўнгги учрашувда Қозоғистон терма жамоаси 6:2 ҳисобида таслим этилди. Шу тариқа, ҳамюртларимиз гуруҳда биринчи ўринни эгаллашди ва 2019 йилда Ҳиндистонда ўтказиладиган финал баҳсларига йўл олишди. Ўша мусобақада терма жамоамиз Токио Олимпиадаси лицензияси учун кураш олиб бориш имкониятига эга бўлади.
