“Милан” бош мураббийи Женнаро Гаттузо лавозимини тарк этишига яқин турибди.

Якшанба куни “россонерлар” ўз майдонларида “Фиорентина”дан мағлуб бўлиб ғалабасиз серияни 4 тага етказди. Мусобақада миланликлар 280 дақиқадан бери гол урмайди.

Gazzetta dello Sport нашрининг хабар беришича, Женнаро Гаттузо келаси иккита ўйинда ғалаба қозонмаса истеъфога чиқарилади. 26 декабрь “Милан” сафарда “Фрозиноне” билан 29 декабрь куни эса “Сан-Сиро”да СПАЛни қабул қилади.

Эслатиб ўтамиз, 40 ёшли мутахассис “Милан”ни қўл остига ўтган йил олган эди. Унинг қўл остида Италия клуби 57 та ўйин ўтказиб 27 та ғалаба, 16 та дуранг ва 14 марта мағлубиятга учраган.