Туриннинг “Ювентус” клуби ҳужумчиси Криштиану Роналду янги йилни Бирлашган Араб Амирликларининг Дубай шаҳрида кутиб олди.

Спортчи ижтимоий тармоқдаги саҳифасига ўғли кичик-Криштиану Роналду ва рафиқаси Жоржина Родригес билан Дубайдаги мушакбозлик вақтида тушган суратини жойлади.

Роналду амирликда янги йилни кутиб олиш билан бирга дўсти – Дубай шаҳзодаси Ҳамдан бин Муҳаммад ал-Мактум билан ҳам учрашган.

Криштиану Ҳамдан бин Муҳаммад ал-Мактум билан тушган суратига “Биргаликдаги ажойиб вақт”, деб изоҳ қолдирган.

Ҳамдан бин Муҳаммад ал-Мактум ҳам Роналду билан тушган суратини ижтимоий тармоқдаги саҳифасига жойлаб, “Аъло даражали ўйинчи ва энг яхши дўст” деб, изоҳ қолдирган.