“Ювентус” ҳужумчиси Криштиану Роналдунинг Instagram саҳифасидаги обуначилар сони 150 миллионга етди. 33 ёшли португалиялик футболчи ушбу натижага эришган илк саҳифа эгасига айланди.

Роналду – тармоқда обуначи йиғиш бўйича айни вақтда биринчи ўринни банд этиб турибди. Икки ва учинчиўринни хонандалар Селена Гомес (144,5 миллион) ва Ариана Гранде (141,3 миллион) банд этган.

Роналдудан ташқари, спортчилардан 100 миллиондан кўпроқ обуначига эга бўлганлар ҳам бор. Улар ПСЖ ҳужумчиси Неймар (108,9 миллион) ва“Барселона” ҳужумчиси Лионель Месси (105,1 миллион).