Туриннинг “Ювентус” клуби жамоа футболчиси Пауло Дибала бўйича 3 та таклиф олди. Бу ҳақда Tuttosport нашри хабар бермоқда.
Манбанинг хабарига кўра, аргентиналик футболчи хизматларига “Бавария”, “Манчестер Сити” ва ПСЖ клублари жиддий қизиқиш билдирмоқда.
“Кекса синьоралар” 25 ёшли футболчи борасидаги таклифларни кўриб чиқишга тайёр, бироқ қишки трансфер ойнасида Дибала кетмайди. Шунингдек, ким Пауолони сотиб олмоқчи бўлса 100 миллион евродан кам бўлмаган маблағ тўлаши керак.
Эслатиб ўтамиз, жорий мавсум Дибала”Ювентус” сафида 22 та ўйинда майдонга тушиб, 7 гол урган ва 3 та голдга ассистентлик қилган.
