"Реал" бош мураббийи Сантьяго Солари Испания чемпионатининг 23-турида "Атлетико"га қарши ўйин олдидан фикрларини билдирди.
Ўйин бугун 9 февраль куни "Ванда Метрополитано" стадионида бўлиб ўтади.
"Рақиб жадал, тактик жиҳатда саводли футбол ўйнайди. Биз ҳам жадал ўйин кўрсатишимиз ва натижа учун бор кучимизни сарфлашимиз лозим.
Қўлимиздаги бор қуроллардан фойдаланишимиз керак. Ҳар куни машғулотларда яхши ишлаяпмиз. "Реал" ҳозир яхши жисмоний ҳолатда.
Бизни қийин ва муҳим ўйин кутиб турибди, аммо биз бунга тайёрмиз. "Барселона" билан ўйиндаги ҳаракат қила олишимизга умид қиляпман, ғалабага бўлган иштиёқни намойиш қиламиз", - дейди Солари.