Саудия Арабистони валиаҳди Муҳаммад бин Салмон келгуси мавсумдан бошлаб “Манчестер Юнайтед”нинг эгаси бўлишдан умид қилмоқда.
Салмон Манкунианликларни сотиб олиш нияти борлиги ҳақидаги миш-мишлар октябрь ойида тарқалган эди.
Шу ўтган ойлар ичида шаҳзода “Юнайтед”ни сотиб олиш фикридан қайтмади деб таъкидлайди The Sun.
Шаҳзода “МЮ” учун 4,8 миллиард доллар таклиф қилишга тайёр. Клубнинг ҳозирги эгалари Гловер оиласи клубни сотиш нияти йўқлигини билдирди. Бироқ, бир томондан ушбу таклифни ўйлаб кўришга қарши эмас. Манбанинг хабарига кўра, келушув ҳозирда амалга ошмоқда.
Сўнгги вақтларда “Юнайтед” хўжайинлари ва ака-ука Глэйзерлар вақти-вақти билан Ар Риёдга сафар уюштирадиган бўлиб қолишди.
“Юнайтед”нинг сотилиши Глэйзер киритган инвестицияларни қайтариб олишга ёрдам беради. 14 йил олдин улар клубни 790 млн еврога сотиб олишган эди. Энди улар клубни 3,8 млрдга сотишлари мумкин.
Якуний нарх “Юнайтед”нинг чемпионлар лигасидаги иштирокига боғлиқ. Таъкидлаб ўтиш жоиз, маблағ 33 ёшли Салмон учун муаммо эмас. Унинг ҳозирги бойлиги 850 млрд фунтни ташкил этади.
