Marca газетаси қизиқарли маълумотни тарқатди: Криштиану Роналду ўз оиласи ва дўстларига "Ювентус" албатта кейинги босқичга чиқишига ва ўзи эса хет-трик қилишга ваъда берган.
Бу иш Мадриддаги 0:2 ҳисобидан сўнг бўлиши керак эди, бунинг устига "Ювентус" ҳеч қачон биринчи ўйиндаги 0:2 ҳисобини ўзгартира олмаган.
Хабар муаллифи Давид Мединага кўра, Облакка учта гол уриш деярли амалга ошмас иш. Аммо ЕЧЛ-2016/17да бундай ҳолат бўлиб ўтган. "Реал" ўз уйида "Атлетико"ни 3:0га ютган, барча голларни Роналду урган.
Энди Роналдунинг ҳисобида чемпионлар лигасида 8 та хет-трик бўлди (Мессида ҳам шунча).
Роналдугача ҳеч ким ЕЧЛда битта жамоага икки марта 3 тадан гол ура олмаган.
Роналдунинг ЕЧЛ 1/8 финали босқичидаги статистикаси: 29 ўйин - 23 гол.
Роналду барча мусобақаларда "Атлетико"га 25 та гол урган, "Севилья"га сал кўпроқ - 27 та.
