Каталониянинг “Барселона” клуби ва Уругвай терма жамоаси ҳужумчиси Луис Суарес Испания чемпионатнинг “Бетис”га қарши учрашуви (4:1) вақтида жароҳат олиб, захирага олинганди.
Испан клуби матбуот хизмати берган хабарга кўра, уругвайлик футболчи пайидан жиддий шикастланмаган бўлсада, оёғининг тўпиғ қисмини шикастлаб олган. Шу боисдан у 10-15 кун давомида машғулотларда иштирок эта олмайди.
Бунинг оқибатида Суарес Уругвай терма жамоаси билан China Cup-2019 мусобақасида иштирок эта олмайди. Уругвай терма жамоаси мусобақадаги биринчи учрашувини 22 март куни Ўзбекистон терма жамоасига қарши ўтказади.
