Европа чемпионлар лигаси чорак финал босқичи доирасида бўлиб ўтган «Барселона» ва «Манчестер Юнайтед» ўртасидаги ўйинда қизиқ ҳолат юзага келди.

"МЮ" бош мураббийи Уле-Гуннар Сульшер ўйин пайтида кичик қоғозчага кўрсатма ёзиб, клуб ҳужумчиси Маркус Рашфордга берган эди. Унда мутахассис жамоа «4-3-3» тактик схемадан «4-4-2» схема ўтиши кераклиги ёзилган эди.

Рэшфорд рақиб дарвозаси яқинида Жерар Пике билан тўқнашув чоғида мазкур қоғозчани қўлидан тушириб қўйди. Тер Штеген эса уни топиб олиб, ёзувни ўқиди. Шундан сўнг германиялик посбон қоғозни майдонга ташлаб юборди.

Эслатиб ўтамиз, «Барселона» чорак финалнинг жавоб ўйинида «Манчестер Юнайтед»ни йирик ҳисобда (3:0) мағлуб этди.