"Милан" бош мураббийи Женнаро Гаттузо Италия кубоги 1/2 финалининг жавоб ўйинида "Лацио"дан учралган мағлубиятдан сўнг (0:1) фикрларини билдирди.
"Биринчи бўлимда яхши ўйнадик, аммо танаффусдан сўнг "Лацио"да учта вазият бўлди. Биз тўпсиз яхши ҳаракат қила олмадик.
Жамоадан қийин давр кеяпти, курашяпмиз ва саҳифани ўзгартиряпмиз. Баъзан ниманидир синаб кўриш учун тактикани ўзгартиришимизга, жамоани руҳлантиришга тўғри келяпти. "Милан"нинг нимасидир ишламай қолди. Бунинг сабаби жисмоний ҳолатда ёки тактикада эмас, биз имкониятимиз даражасида ўйнаяпмиз.
Муаммо таркиб тузилиши ёки алоҳида ўйинчиларда эмас, бутун жамоа ортга тадам ташлаган. Биз қўл тормозини босган ҳолатда ўйнамоқдамиз ва бунинг бадалини тўлаяпмиз", - дейди Гаттузо.
