Куни кеча Франциянинг «L'E quipe» нашри Киллиан Мбаппе билан интервьюни эълон қилди. Ёш иқтидор эгаси томонидан берилган интервью мутахассис ва мухлисларда катта қизиқиш уйғотгани боис уни сайтимиз учун таржима қилдик.
Неймар чинакам футбол афсунгари. Унинг тўп билан майдонда ҳаракатланишидан завқланаман. Бундан ташқари унда ажойиб дриблинг ҳам мавжуд. У мен учун катта акамдек яқин ва доимо ундан нимадир ўрганишга ҳаракат қиламан. Ҳозирда унинг трансфери борасидаги миш – мишлар кўпайиб кетди.
Афсуски, клуб раҳбарлари ундан норози эканликларини яшириб ўтиришмаяпти. Унинг жамоа машғулотларига келмаётганини тушуниш жуда мушкул. Мен Неймар билан бу борада гаплашганимча йўқ. Балки унда асосли сабаблар бордир, яна ким билади дейсиз?!
Мен футбол одамиман. Менга ОАВ томонидан билдирилаётган фикрларнинг заррача қизиғИ йўқ. Нима бўлган тақдирда ҳам «ПСЖ» кейинги мавсумда Неймар билан ҳам, у сиз ҳам жуда кучли клуб бўлиб қолаверади. Бизда кучли футболчилардан ташкил топган клуб мавжуд. «ПСЖ» Неймардан иборат эмаслигини унутмаслик лозим. Унинг иқтидорига жамоамизда ҳеч кимда шубҳа йўқ, лекин боз устига, янги мавсумда ЕЧЛ ғолиблиги учун ҳам курашамиз. Афсуски, бу мусобақада бизга омад етишмаяпти. Нуқул арзимаган деталлар туфайли энг керакли паллаларда қоқиляпмиз.
Мен профессионал футболчи сифатида кундан – кунга ўсиб боряпман. Ўйлашимча, янги мавсумда маъсулиятни ўз бўйнимга олиш қўлимдан келади.
Шуни ҳеч қачон унутмаслик лозим, алмаштириб бўлмас ўйинчилар бўлмайди ва ҳеч бир футболчи бутун бошли жамоасидан устунроқ турмайди.