Кириш Регистрация
21/10 23:45 Брешиа - Фиорентина
21/10 23:59 Шеффилд Юнайтед - Арсенал
22/10 21:55 Шахтёр - Динамо Загреб
22/10 21:55 Атлетико - Байер
22/10 23:59 Галатасарой - Реал Мадрид
22/10 23:59 Брюгге - ПСЖ
22/10 23:59 Олимпиакос - Бавария
22/10 23:59 Тоттенҳэм - Црвена Звезда
22/10 23:59 Манчестер Сити - Аталанта
22/10 23:59 Ювентус - Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Хабарлар

А серия. «Интер» «Ювентус»га мағлуб бўлди (видеошарҳ)

Баҳо:
+ | -

Италия чемпионатининг 7-тури доирасида пешқадам жамоалар тўқнаш келишди. "Интер" ва "Ювентус" жамоалари мухлисларга қизиқарли ўйин намойиш қилиб беришди.

Учрашув туринликлар учун омадли бошланди. Баҳснинг 4-дақиқасида Роналду майдонда жароҳат олиб ётганига қарамай туринликлар ҳужум ташкил қилишди. Дибала осон бўлмаган вазиятда зарба бериб, Хандановични доғда қолдирди.

Орадан 5 дақиқа ўтиб Криштиану ҳисобдаги фарқни ошириши мумкин эди. Унинг 16 метрдан йўллаган зарбаси натижасида тўп тўсинга тегиб қайтди. 19-дақиқада эса тўп Маттиас де Лигтнинг қўлига теккани учун ҳакам "Ювентус" дарвозаси томон пенальти белгилади ва ўз қарорини VAR ёрдамида текшириб олди. Лаутаро Мартинес 11 метрли жарима зарбасидан голга айлантириб, ҳисобни тенглаштирди.

Орадан 10 дақиқа ўтиб Мартинес жамоасини олдинга олиб чиқиши мумкин эди. Унинг зарбасини Шчесни қайтаришга муваффақ бўлди. Бўлимга 3 дақиқа қолганида Роналду "Интер" дарвозасига тўпни йўллади, аммо унга узатма берган Дибала офсайдда бўлгани учун гол бекор қилинди.

Иккинчи бўлим ҳам хавфли вазиятларга бой бўлди. Дастлаб Дибала яккама-якка вазиятда "нерадзурри" посбонини доғда қолдира олмаган бўлса, Весинонинг зарбасидан кейин тўп де Лигт орқали "Ювентус" дарвозаси устунига тегди. Баҳснинг 80-дақиқасида эса меҳмонлар яхши комбинация ташкил қилишди ҳамда Гонсало Игуаин миланликлар дарвозасини ишғол қилди.

"Интер" ҳисобни тенглаштиришга яқин келган эди, аммо Весино яккама-якка вазиятда Войцех Шчеснини доғда қолдира олмади.

Ушбу ғалабадан кейин "Ювентус" ўз очколарини 19тага етказди ҳамда "Интер"ни қувиб ўтиб, жадвалда 1-ўринга кўтарилиб олди.

Италия А серияси, 7-тур
Интер – Ювентус 1:2 (1:1, 0:1)
Голлар: 0:1 – 4 Дибала, 1:1 – 18, пенальти Мартинес, 1:2 – 80 Игуаин.
Интер – Ханданович, Годин (Бастони, 54), де Врей, Шкриньяр, Д`Амброзио, Барелла, Брозович, Сенси (Весино, 34), Асамоа, Лукаку, Мартинес (Политано, 78).
Ювентус – Шченсни, Куадрадо, Бонуччи, де Лигт, Алекс Сандро, Хедира (Бентанкур, 62), Пьянич, Матюиди, Бернардески (Игуаин, 62), Роналду, Дибала (Эмре Жан, 71).
Огоҳлантиришлар: Алекс Сандро (13), Эмре Жан (84), Пьянич (85), Весино (88), Барелла (90).

Манба: www.stadion.uz.
Киритилди: 06:40, 07.10.2019.
Ўқилди: 7248 марта.
Фикрлар: 0 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.