Донецкнинг «Шахтёр» ва Россиянинг «Зенит» клублари собиқ бош мураббийи Мирча Луческу Россия чемпионати кучлими ёки Украинами деган саволга жавоб берди.
— Россия чемпионати Украинаникига қараганда кучли. «Днепр», «Металлист» ва «Черноморец» клубларида ҳаммаси жойида бўлган вақтда Украина чемпионати Россияникига қараганда қизиқарлироқ эди. Украинлар русларни барча учрашувларда мағлуб этишарди, ҳатто ўртоқлик ўйинларида ҳам. Бироқ ҳозир шубҳаси — РПЛ кучли. Бу Россия клублари катта маблағ киритаётганига боғлиқ. Бу клубларга бадавлат инсонлар эгалик қилишмоқда. Вазият шу даражага етдики, ҳаттоки Чеченистон Республикаси Президенти ҳам ўз клубини тўғридан-тўғри қўллаб-қувватламоқда. Уларда инфратузилма ўзгарди, янги стадионлар қуриб битказилди.
Украинада бўлса инфратузилма жуда ёмон. Бироқ, мен ишонаманки, Украина чемпионатида ҳам яхши тарафга ўзгариш бўлади, — деди Луческу «Вацко Live» билан суҳбатда.
