Россия ёшлар биринчилигининг 14-турида Гронзийнинг “Ахмат” ҳамда Туланинг “Арсенал” ёшлар клуби футболчилари ўртасидаги оммавий муштлашув келиб чиқди. Бу ҳақда тулаликларнинг расмий Twitter саҳифаси хабар тарқатди.
Учрашув бугун Грозний шаҳрида бўлиб ўтди ва унда Туланинг “Арсенал” ёшлари 3:1 ҳисобида ғалаба қозонди. Учрашувнинг 39-дақиқасида тўп учун курашда икки рақиб тўқнашиб кетди ва тўқнишув оммамий муштлашувга айланиб кетди. Мураббийлар ва заҳирадаги футболчилар муштлашаётган футболчиларни ажратиб қўйиш учун майдонга югуриб чиқишди. Тўқнашув 5 дақиқага яқин давом этди. Шундан сўнг, учрашув бош ҳаками "Ахмат" клубининг икки нафар, "Арсенал" клубининг бир нафар футболчисини майдондан четлатди.













