Таниқли футбол агенти Шандор Варга Лондоннинг “Арсенал” клуби собиқ бош мураббийи Арсен Венгер Россияда ишлашга тайёргар эканлигини билдирди.

– Венгер ва Москванинг «Спартак» клуби раҳбарияти ўртасида учрашув бўлмади. Бироқ, Венгерда Россияда ишлаш иштиёқи юқори. Бундан ташқари, Россиянинг учта клуби у ҳақда сўради. Мен Венгерга бу ҳақда савол берганимда, у бунга иккиланмасдан «ҳа, ҳа ва яна ҳа» - деб жавоб берди. Нима учун амалга ошмади? Бу мураккаб жараён. Клублар фақат менга алоқага чиқишди. Венгернинг ўзи билан ҳеч қандай музокара бўлмади. Бир марта шунга яқин келдик, аммо амалга ошмади. Агар ушбу жараён амалга ошганида нафақат клуб учун, балки бутун Россия футболи учун фойдали бўлган бўлар эди. Айнан ким қизиқди? Айта олмайман.«Спартак»? Бу клуб томонидан ҳам қизиқиш бўлди, - агентнинг сўзларидан иқтибос келтирмоқда «Спорт-Экспресс».