Кристиан Пулишич Лондоннинг “Челси” клуби тарихида энг ёш хет-трик қайд этган футболчи сифатида тарихдан жой олди. “Бёрнли” клубига қарши ўтказилган учрашувда Пулишич ўнг ва чап оёқларида ҳамда боши билан рақиб дарвозасини ишғол этди.

«Бу жуда ажойиб, тўғрисини айтсам, ҳалигача ишонмаяпман», — деди Пулишич “Челси” клуби расмий сайти билан суҳбатда.

«Даҳшатли голлар эди. Айнан қайси бири менга ёққанлигини айтиш қийин. Бош билан киритган голим ҳам чиройли бўлди, балки менимча чап оёғимда урган биринчи голим кўпроқ менга ёқди».

«Бу менинг профессионал фаолиятимдаги дастлабки хет-трик қайд этишим. Мен тўпни ўзим билан олишим деярли эсимдан чиққан эди, лекин жамоадошларим эслатиб қўйишди!»

«Бу йигитлар билан бирга ўйнаш ёқимли. Биз кучга тўламиз. Тажрибали футболчилар ҳам жамоамизга кўп нарса бермоқда. Биз ҳозир кўрсатаётган ўйинимиздан завқ оляпмиз».

«Бу ажойиб жамоавий ўйин бўлди. Афсус, дарвозамиз даҳлсизлигини сақлаб қола олмадик!»

«Мен нимага қодир эканлигимни исботлашим керак, бунинг учун ўз устимда кўпроқ ишлашим керак, — қўшимча қилди 21 ёшли футболчи. — Мен шунчаки майдонда бўлишни ва жамоамга фойда келтиришни истайман».

«Осон бўлади деб ўйламадим. Бироқ, сўнгги ҳафталарда заҳирадан майдонга тушдим ва жамоага фойда келтирдим. Бугун асосий таркибда майдонга чиққанимдан хурсанд бўлдим. Бу мен учун муҳим кун бўлди!»

«Креатив ҳужумкор услуб бор. Тўп билан югуришни, рақибларни финт билан алдаб ўтишни ва гол уришни яхши кўраман. Жамоамга фойда келтирганимдан хурсандман. Энди шу суратда давом этишимиз керак».