Шанба куни бўлиб ўтиш кутилаётган «Торино» ва «Ювентус» жамоалари ўртасидаги учрашув кўплаб мухлисларнинг эътибор марказида турибди десак, адашмаган бўламиз. Турин дербиси олдидан бугун «Торино» клуби мураббийи ва етакчи футболчилари ўйин олдидан ўз фикр ва муҳолаҳазаларини клуб расмий сайти учун билдириб ўтишди.
Валтер Мацари
Сўнгги учрашувда «Ювентус» тўпни йўқтиши билан кучли прессинг ишлатди ва шу йўсинда рақиб жарима майдончаси ичида маҳкам ўрнашиб олди. Биз бундай «Ювентус»га қарши қандай ўйин ўтказиш керак эканлигини яхши биламиз ва эртанги учрашувда ўз имкониятларимизни йўққа чиқармаймиз деган умиддаман. Бундай учрашувларда ғолиб бўлиш учун ҳар доимгиданда кучлироқ руҳий далда лозим. Мен «Ювентус»нинг «Женоа»га қарши ўйинини томоша қилдим ва Роналдунинг феномен эканлигини яна бир бор ҳис этдим. Бундай футболчилар сизни ҳар бир хатó учун жазолашга қодир. Умид қиламанки, биз «Женоа» қилган хатоларни қайтармаймиз. Футболда энг муҳими яратилган имкониятлардан максимал даражада наф чиқара олиш. «Ювентус»га қарши ўйин олдидан бизда имконият мавжуд деб ҳисоблайман. Умид қиламанки, эртага биз ўзимиз ўйлаб қўйган режаларнинг барчасини амалга ошира оламиз.
Де Силвестре
Рақибнинг номи ҳеч нарсани ўзгартирмайди. Боз устига, биз ҳафта сўнггида «Ювентус»га қарши майдонга чиқамиз ва бу ўзгача тўқнашув. Ҳозирги кунда «Ювентус»нинг таркиби ажойиб холатда. Шу ўринда Роналдунинг ҳам барча «Ювентус» аъзолари сингари оддий футболчи эканлигини айтиб ўтиш лозим. Биз ўз рақибимизни яхши ўрганганмиз. «Ювентус» учун энг ноқулай рақиб эканлигимизни билсамда, спортда олдиндан ҳеч нарсани таҳмин қилиб бўлмайди. Биз «Ювентус»га қарши майдонда жанг қилишга тайёрмиз.
Белотти
Мен Роналдуни дунёдаги энг кучли ҳужумчилардан бири деб ҳисоблайман. У жуда иқтидорли ва ўз иқтидорини кундан-кунга янги даражага олиб чиқмоқда. Роналдунинг қолганлардан ажралиб турувчи жиҳати шундаки, у гол киритишдан чарчамайди ва энг муҳим ўйинларда ўз голлари билан жамоаси учун ғалаб келтиришга қодир. У «А серия»га бежиз ташиф буюрмаганини барча исболаб келмоқда.
Эртанги ўйин олдидан рақибнинг деярли барча футболчиларининг нималарга қодир эканлигини ўрганиб чиқдик. Шу йўсинда бўлсада ўзимиз учун керакли натижага эришишни олдимизга мақсад қилиб қўйганмиз. Умид қиламанки, эртанги учрашувда «Женоа» ўзини барча жабҳаларда кўрсата олади.
