Туриннинг “Ювентус” клуби ҳужумчиси Криштиану Роналду “Милан”га қарши учрашув якунланмасдан стадионни тарк этди. Бу ҳақида Football Italia нашри хабар бермоқда.
Маълумот учун, Криштину учрашувнинг 55-дақиқасида ўз ўрнини Пауло Дибалага бўшатиб берди. Футболчи майдонни тарк этгач захира ўриндиғига ўтирмай, кийиниш хонасига йўл олди.
Роналдунинг ўрнига майдонга тушган Пауло Дибала эса учрашувда ягона ғалаба голига муаллифлик қилди.
Маълум бўлишича, 34 ёшли португалиялик форвард учрашув якунланмасдан стадионни тарк этган. Футболчи кетма-кет иккинчи ўйинда ҳам тўлиқ ўйнамагани боис, норозилигини мураббийга шу тақлид билдирган.
