Голландия терма жамоаси бош мураббийи Роналд Куман ҳужумчи Мемфис Депай нима учун «Манчестер Юнайтед» клубида ўйнаб кета олмаганини тушунтирди.
Депай «МЮ» клубига 2015 йили ПСВ клубидан 25-30 миллион фунт атрофидаги суммага ўтган эди ва Европанинг умидли ёш футболчиларидан бири саналганди. Бироқ, у на Луи ван Гал, на Жозе Моуриньоларнинг асосий таркибидан жой эгаллади.
Кейинчалик ҳужумчи «Лион» клубига ўтди ва ўйинида ўсиш кузатилди.
— Депай — топ-футболчи, — деди Куман. — Эҳтимол, у «МЮ»да ўйнаган пайтда ўта ёш бўлгани учун ўйнаб кета олмагандир. Энди у тажриба тўплади ва терма жамоага кўп фойдаси тегмоқда. Терма жамоамиз таркибида шундай футболчи борлигидан хурсандман.
