«Милан» Златан Иброҳимовични 2020 йилнинг 3 январь куни расман таништирадиган бўлди. Бу ҳақда Италиянинг MilanNews нашри хабар берди.
Италия клуби ва Иброҳимович ўртасида тузилган битим мавсум сўнггигача мўлжалланган. Уни яна 1 йилга узайтириш эҳтимоли ҳам бор.
38 ёшли швед 2 январь куни тиббий кўрикдан ўтиш учун Миланга етиб келади.
Маълумот учун, Златан 2010 йилдан 2012 йилгача ҳам «Милан»да ўйнаган. У қизил-қоралар билан А Серия чемпионлигини ва Италия Суперкубогини қўлга киритган.