talkSPORT нашрининг тарқатган маълумотига қараганда, Англиянинг «Манчестер Юнайтед» клуби бош мураббийи Оле-Гуннар Сульшер жамоанинг салбий натижалари сабаб босим остида қолмоқда.
Агар «қизил иблислар» мавсум якунига кўра 4-ўринни эгаллаб ёки Европа Лигасида ғолиб чиқиб, ЕЧЛ йўлланмасини қўлга киритмаса, Сульшер эгаллаб турган лавозимидан озод этилади.
Манбанинг тарқатган маълумотига қараганда, аргентиналик мутахассис Маурисио Почеттинонинг вакили «Манчестер Юнайтед» клуби вакиллари билан бир неча ҳафтадан бери музокара олиб бормоқда. Аргентиналик мураббий мавсумнинг айнан қизғин палласида жамоани қабул қилиб олиш ниятида эмас.
Шунингдек, Почеттино «Манчестер Юнайтед» клуби ижрочи директори Эд Вудворд клубдаги ҳар қандай футбол қарорларидан йироқлашиши ва клубда фақатгина спорт директори бўлиб пайдо бўлишини хоҳламоқда.
Бундан ташқари, мураббий жамоада тўлиқ эркин бўлиши ва жамоани кучайтириши учун керакли футболчиларни сотиб олишда эркинликка эришмоқчи.
