Учрашувда 1:0 натижаси қайд этилиб турган бир паллада Мессининг бир ўзи “Валенсия”га қарши дуранг ўйнашга қодир эди, бироқ кеча бутун “Барселона” майдонда эди ва улар мағлубиятнинг асосий сабабига айланишди…
Афсуски, Сетьеннинг қўлостида бир нечта ажойиб йигитлар бўлишига қарамай, жамоанинг ишлари жуда ёмон. Ҳимоядаги асосий футболчиларнинг бирортаси юқори сифатли ўйин ўтказишга тайёр эмас. Буни кечаги ўйин яққол кўрсатиб берди. Энг муҳим мусобақа — Европа чемпионлар лигаси ўйинлари олдидан жамоа керакли формага кириб олишни уддалай олгани йўқ. Бозустига,чемпионатдаги етакчилик ҳам деярли қўлдан кетди.
Кечаги учрашув ҳақида
Учрашувнинг илк дақиқаларидаёқ каталонияликлар дарвозаларидан тўпни олиб чиқишлари мумкин эди, бироқ “бечора” Тер-Штеген пенальтини қайтарди. Эътибор берган бўлсангиз, пенальтиҳимоядаги Пике ва Робертонинг хатосидан сўнг юзага келди. Голдан сўнг, Сетьеннинг асл фишкасини барча гувоҳи бўлди. Ҳеч қандай комбинацияларсиз тўп билан муомала ва ҳимоядаги хатолар. Очиғи,ўйинни кўрган мухлислар “Бетис” ва “Барселона” қўшилиб бир жамоа сифатида ҳаракат қилмоқда деб ҳам ўйлаб қолишди. Қайсидир маънода Кикени ҳам тушунса бўлади. У “Барселона”га ўз услубини сингдиришга ҳаракатқиляпти, бироқ бу услуб ҳимоядаги хатолар ва 9-рақамли ҳужумчининг йўқлиги боис тескари реакция бермоқда. “Валенсия” “Барселона”нинг тўпни назорат қилишига имконият яратиб берди. Ҳисобда олдинга чиқиб олгач, янада хотиржамроқ ҳаракат қила бошлади. Соддароқ қилиб айтганда,Католония ўзининг “бўш тўп назорати” билан “кўршапалаклар”ни қўрқита олмади. Кике Сетьен қўл остидаги “Бетис” рақиб ярим майдонида 60 фоиз тўп назоратини ўрнатса-да, учрашувда 4:0 ҳисобида мағлуб бўлишни уддалаган ўйинлар бўлган. Асосий урғуси аниқликка қаратилган пайда паслар замований футболда аллақачон “чақилган ёнғоқ”қа айланиб бўлди. Кеча буни “Валенсия” ҳам исботлади. Каталонияликлар тўпни назорат қилишда давом этди, “Валенсия” ҳимояда бош зона қолдирмади. “Кўршапалаклар”дан ортиқча ҳеч нарса талаб этилмади. Улар зоналарни ёпишди ва ўз имкониятларини кутишди. Ўйин давомида Де Йонгдан деярли наф бўлмади, Бускетс «пиёда» ўйин ўтказган бўлса, Гризманнмайдонни “ёндира оламади”.
Кике “тики-така”дан фойдаланадими?
Аслида “тики-така” ҳимоявий услубга мўлжалланган фалсафа. Гвардиола айнан шу услуб ёрдамида юқори прессингни амалга оширар, ва рақибми марказдаёқ кутиб олиш орқали тўпни эгаллаб олар эди. Кейин эса, тинимсиз паслардан сўнг, ҳужумнинг сўнгги палласида қанот футболчилари зарба позициясига чиқиб боришлари талаб этилар эди. Кикенинг жамоасида истаса ҳам бундай ўйин кўрсата олмайди. Сабаби, жамоа “Валенсия”га қарши учрашувда атиги 6 бор (“Валенсия”да бу кўрсатгич 18 тани ташкил этади) тўпни прессинг ёрдамида олиб қўйди. Ачинарлиси шундаки, “Барса” фақат ўз жарима майдончаси атрофидагина бу ишни уддалашга муваффақ бўлди. Бундан ташқари, “кўк-анорранглилар” ўйин давомида атиги 4 бор аниқ зарба беришди ва уларнинг жарима майдони ташқарисидан йўлланган биттагинаси хавфли чиқди. Жамоа “тики-така” ўйнамаяпти. Жамоада алдамчи тўққизликни ажойиб бажарувчи Гризманнбўлишига қарамай, бу услубда ҳам фойдаланмаяпти.
Кике учун энг муҳим футболчи ким?
Қанчалар ғалати туюлмасин, Сетьеннинг фалсафаси учун энг муҳим футболчи айни дамда Серхио Бускетс саналади. Мессининг ўйини ўз йўлига, бироқ Кике учун тўп назоратини айнан Бускетсатрофида қурилмоқда.У тўпни майдон бўйлаб ҳаракатини таъминлаб беради. Хўш кейинчи? Айнан мана шу савол Кикенинг олдида турибди. Ҳаракат бор, бироқ ўсиш йўқ. Бежизга “Валенсия” дарвозаси сари йўлланган зарбарларнинг 12 тасидан 9 таси Мессига тегишли эмас. Сетьеннинг фалсафаси тугалланмаган ўйин услубини эслатиб юбормоқда.
Вальверде ва Кикенингмуаммолари бирми?
Қайсидир маънода “Барселона”нинг муаммоларида мураббийларнинг қисман таъсири бор. Вальверде “Барселона”нинг қария футболчилари учун ортиқча югурмасдан тўп суришнитаъминлашга ҳаракат қилди ва ўз тактикасида Тер Штеген, Месси ва Суаресга катта катта юкламалар берар эди. Айнан шу футболчиларнинг маҳорати эвазига “Барселона” икки бор ички биринчиликда ғолиб чиқишни уддалади. Шу сабабли, Валверде қўл остида немис киппери кўзга яққол ташлана бошлади. Кике эса, барчасини бошидан бошлаши керак. Энди Кике найзанинг учи – Суарессиз ҳужум қиладиган жамоани шакиллантиришга ҳаракат қилмоқда. Афсуски, Де Йонг ҳимояда кутилганидек фаоллик кўрсата олмаяпти. Бу Сетьеннинг ишларини янада кўпайтирмоқда. Ачинарлиси шундаки, Кике “Барселона”да яхши ўйинни тезда йўлга қўйиши керак. Жамоа мухлислари ва рахбарлари бунга кўникиб қолган.
Эндиликда янги мураббий “Бестис”дан фарқли ўлароқ “Барселона” учун “Б” планини ўйлаб чиқиши талаб этилади. “Валенсия”га қарши ўйинда иккинчи ўйин схемасининг йўқлиги кўзга ташланиб қолди. Айрим мутахассислар вақт ўтгани сайин “Барселона”нинг ўйини кучайишини тахмин қилишлари мумкин, бироқ бу ундай эмас. “Барселона” ўша-ўшалигича қолмоқда. Ҳалиям жамоага кучли марказий ҳужумчи ва кескир пасларни ижро этувчи плеймейкер сув ва ҳаводек зарур. Месси бир ўзи барча ўйинни ютиб оладиган ёшда эмас. Жамоа ўйинларда рақибнинг савиясизлиги орқали, ёки минимал ҳисобдагина ғалаба қозонмоқда. Агарда, “Барселона” ўз вақтида керакли трансферларни амалга оширмаса, ўзи иштирок этаётган барча мусобақални бой бериши аниқ. Бу кетишда чемпионлик ҳам азалий рақибларга ўтиб кетадигандек кўринмоқда.
Келинг, “Месталия”да бўлибўтган учрашувга бошқачароқ назар соламиз. “Валенсия”нинг 2:0 ҳисобидаги ғалаба билан якунлаган ўйинида ҳисоб йирикроқ кўриниш олиши керак эди.
Ҳакам мезбонларнинг қарши ҳужумини тўсиб қўйди ва Тер Штеген пенальтини бартараф этди. Кикедан аввалроқ Вальверде ҳам муаммолар гирдобидан чиқишга урунган бўлса, энди Кике ўз услубида вазиятдан чиқиб кетишга ҳаракат қилмоқда. Муаммонинг бир учи мураббийларга бориб тақалса, иккинчи учун таркиб билан ҳам боғлиқ. Бугунги кунда “Барса”ни жамоадаги айрим футболчиларнинг юқори классигина ушлаб турибди. Муаммонинг ечимини фақат мураббийлардан излаш нотўғри. Йиллар давомида амалга оширилган омадсиз трансферлар ва мураббий танлашдаги хато қарорлар янги асрнинг энг кучли жамоасини боши берк кўчага олиб кетмоқда. Жамоа бу маршрутдан чиқиб кетиши учун мураббийлар штаби, футболчилар, рахбарият бирдек ҳаракат қилишлари зарур. Акс холда, Сетьенниг ғоялари янги “Барселона” яратишга саёзлик қилиши “Валенсия”га қарши учрашувда сезилиб қолди.
Я.У
