Москванинг ЦСКА клуби собиқ ҳимоячиси Василий Березуцкий ҳарбийлар клубига қайтганлиги ҳақида фикр билдирди.
— ЦСКА клубига қайтганимиздан хурсандмиз. Жамоанинг ривожланиши учун ўз ҳиссамизни қўшмоқчимиз. Яқин вақтлар ичида клубнинг спорт ишлари бўйича барча ишлари билан яқиндан танишиб чиқамиз. 29 январь куни жамоа билан биргаликда Кампоаморга бирга учиб кетамиз ва у ерда жамоанинг ўқув-йиғин машғулотларини кузатамиз. Кейинги ёшлар жамоасини кузатамиз, скаутларнинг ишларини ўрганиб чиқамиз ва кўплаб вақтимизни академияда ўтказамиз. Таклиф қилганликлари учун Евгений Леннорович ва Роман Юрьевичлар ўз миннатдорчилигимизни билдирамиз ва бугунданоқ ишга киришамиз, — Василийнинг сўзларидан иқтибос келтирмоқда клуб матбуот хизмати.