Уругвай ва аргентиналик футболчилар ҳақиқий дўстга айланишди.
Каталониянинг «Барселона» клуби ҳужумчиси Луис Суарес жамоага энди келган пайтларида Лионель Месси унга қандай ёрдам кўрсатганини айтиб берди.
«Месси менга шахсан ёрдам берганди. Дастлаб у билан бир биримизга ёрдам бердик ва ўша вазиятдан бери дўстга айланди. Унинг дунёда энг зўрлигини ҳамма билади. Лео буни амалда исботлади ва ҳозиргача давом эттирмоқда.
Месси дўстлигини минг марта намойиш этди. Лео 2016 йили “Олтин бутса” учун кураш олиб борганимда менга катта ёрдам берга. Яқинда «Эйбар»га қарши ўйинда ҳам ўзи гол урадиган вазиятда менга голли пас берди».