Англиянинг «Манчестер Юнайтед» клуби янги футболчиси Бруну Фернандеш Англияга кўчиб ўтганидан хурсанд эканлигини яширмади.

Бруну Фернандешнинг таъкидлашича, унинг “МЮ”га ўтишига терма жамоадаги жамоадоши Криштиану Роналду муҳим роль ўйнаган.

«Криштиану «Манчестер Юнайтед» ҳақида кўп гапириб берди. У жамоа ҳақида фақат ижобий гапларни гапирди.У менинг орзум амалга ошишида катта ёрдам берди. Айнан Англияда Роналдунинг ҳақиқий кучи намоён бўлган. Ишонич комилки, у «Олд Траффорд»да пайдо бўлишимдан хурсанд бўлди.

Уле Гуннар Сульшер билан ҳам суҳбатлашдим. Сульшер мен ҳақимда Роналдудан маълумот олган ва Криштиану мен ҳақимда илиқ фикрларни билдирган», — деди Бруну Фернандеш.