Лондоннинг “Арсенал” клуби янги футболчиси Седрик Соареш “канорирлар” сафига ўтганидан кейин дастлабки интервьюсини берди.

«Мен ўзгача ҳиссиётларни бошдан кечиряпман, чунки илгари бу ерда тўп суриш орзудан бошқа нарса эмасди. «Саутгемптон» Премьер-лигада ўйнашим учун ажойиб имконият яратиб берди. Айнан у клуб «Арсенал»га ўтишимга йўл очиб берди. Ўзимни мана шундай жамоа футболчиси эканлигимга ҳали ҳам ишонмаяпман.

«Арсенал»ни ҳар доим топ клуб деган ҳисоблаганман.Жамоанинг ажойиб мухлислари бор. Маҳаллий мухлислар жамоани қандай қўллаб-қувватлашларини яхши биламан.

Сўнгги икки ҳафтада “Арсенал” клубини мунтазам кузатиб келдим. Жамоада Микель Артета бош мураббий бўлганидан кейин, ўйин кескин ўзгарганини сездим. Артетада жамоанинг ўйинини кучайтиши учун аниқ бир ўйин услуби бор», — деди Седрик Соареш.