Мадриднинг «Реал» клуби бош мураббийи Зинедин Зидан Гарет Бэйлни жамоада қолганидан хурсанд эканлигини яширмади.
«Гарет биз билан бирга. Уни кетади деб ўйламайман. Мен унга умид қиляпман. Ихтиёримда 25 нафар футболчи бор ва уларнинг барчаси муҳим футболчилар саналишади. Уларнинг қайси бири майдонда тушса, бор кучи билан меҳнат қилади.
Расмий ўйинларга 18 та футболчи рўйхатдан ўтади, шу боис доим футболчи танлашда қийинчилик бўлади. Мен бир нарсани хоҳлайман – футболчилар ўз олдига қўйилган вазифани бажаришга бор эътиборини қаратиши ва ўйинга тайёр бўлиши керак", - деди Зидан Marca нашрига.
