Лондоннинг “Челси” клуби бош мураббийи Франк Лэмпард АПЛнинг 25-тур доирасида “Лестер” клубига қарши бўлиб ўтган учрашув ҳақидаги фикрлари билан ўртоқлашди.
«Учрашувнинг дастлабки бўлимида “Челси” клуби яхши ўйин намойиш қилди, тўпни кўпроқ назорат қилдик. Гол урганимиздан кейин бу устунликдан фойдалана олмаганимиз ачинарли.
Танаффусдан кейин биз анча заифлашдик. «Лестер» жуда кўп голли вазиятларни содир этди ва улар учрашувда ғалаба қозонишлари мумкин эди. Учрашувдан олдин рақиб бизга етарлича муаммо туғдириши аниқ эди. Ўз олдимизга қўйилган вазифа сари қадам ташлашимизга бугунги бир очко ҳам ёрдам беради деб умид қиламан», — деди Франк Лэмпард.
