"Барселона" устози Кике Сетьен карантинни қандай ўтказаётганини айтди.
"Карантиндаман. Вақтдан унумли фойдаланишга ҳаракат қиляпман. Тоза ҳаво, адреналин, ўйинларни жуда соғиндим. Футболчилар билан мулоқот қилишни ёқтираман, бизда ажойиб атмосфера бор.
Мен "Héroes del Deporte"ни ўқияпман. Сериалларни ёқтирмайман, уларни кўришга вақтим ҳам жуда кам. Аммо ҳозир "Тахт ўйинлари"ни томоша қиляпман, аммо узоқ кўришни хоҳламайман. Агар охиригача кўраман десам, сиздан карантин муддатини узайтиришни илтимос қилишимга тўғри келади.
Ўйлашимча, ҳаммаси тезда ўз изига тушади. Жамоа юқори энергия билан қайтади", - деди Сетьен.
