Москванинг "Спартак" клуби собиқ шифокори Юрий Василков коронавирусга чалинган футболчиларнинг қайта футбол ўйнай олмаслиги мумкинлигини айтди. Унинг сўзларини "Совет Спорт" нашри келтирган.

"Мен коронавирус натижасида қаттиқ касал бўлган ва шифохонада узоқ муддат даволанган футболчиларнинг спортга қайтишига шубҳа қиламан. Чунки ушбу вирус ўпкани кўпроқ шикастлайди. Ўпка коронавирус учун макон вазифасини бажаради”, деб ҳисоблайди Василков. Унинг фикрига кўра, футболчилар юрак-ўпка комплексидаги муаммолар туфайли футбол ўйнашга ярамай қоладилар.

Маълумот учун, коронавирусга чалинганлар орасида "Ювентус" аъзоси Дибала, Ругани каби таниқли футболчилар ҳам бор.