"Борнмут" АПЛнинг биринчи жамоаси бўлиб, коронавирус пандемияси туфайли иш ҳақини камайтиришга қарор қилди.
Жамоа веб-сайтининг хабарига кўра, бош мураббий Эдди Хоу, унинг ёрдамчиси Жейсон Тиндалл ва "Борнмут" раҳбарияти Буюк Британиядаги вазият нормаллашмагунча ўз маошларининг бир қисмини ихтиёрий равишда рад этишган.
Бу клубнинг молиявий барқарорлигини таъминлаш ва COVID-19 тарқалиши сабабли вақтинча ишдан бўшатилган бошқа ходимларнинг иш жойларини тежаш мақсадида амалга оширилди.
Таъкидлаш жоизки, "Борнмут" футболчилари орасида ойликларнинг қисқариши ҳақида ҳеч нарса айтилмади. Буюк Британияда карантин камида 31-майгача давом этади.
