«Атлетико» ҳужумчиси Диего Коста «Интер» бош мураббийи Антонио Конте ҳақида ўз фикрини билдириб ўтди. Эслатиб ўтамиз, футболчи ва мутахассис 2016/2017 йилги мавсумда «Челси» сафида бирга фаолият юритишган.

«Майдон ташқарисида орасида муаммо бор эди, аммо мен уни яхши мураббий деб ҳисоблайман. Унга нисбатан салбий ҳиссиётларим йўқ.

Аммо ҳақиқатан ҳам биринчи даражадаги мураббий бўлиш учун у ўз ишига бўлган муносабатни ўзгартириши керак. Айниқса, инсонлар билан мулоқотда. У ҳаммага шубҳа билан қарайдиган инсон. «Реал» каби клубларда у бир мавсум ҳам ишлай олмаган бўларди», — деди Коста.