«Ливерпуль» клуби собиқ ҳимоячиси ва ҳозирда телебошловчилик қилаётган Жейми Каррагер фаолиятида ҳеч бўлмаса бир марта Чемпионлар лигаси совринини қўлга киритган футболчилардан рамзий жамоани тузиб чиқди.

Каррагер ушбу жамоани тузишда ўз олдига бир нечта шартларни қўйди:

— 11 ўйинчи, битта захирадаги ўйинчи ва мураббий;
— футболчиларнинг клуби ва миллий жамоаси такрорланмаслиги керак;
— ўйинчи бир нечта клуб сафида турнирда ғалаба қозонган бўлиши мумкин;
— Ҳисоб 1992/93 йилги мавсумдан олинди.

Каррагернинг рамзий жамоасидан Криштиану Роналду ўрин олмади. Ваҳоланки, португалиялик футболчи фаолияти давомида 5 марта ЕЧЛда ғолиб чиққан ва турнирнинг энг яхши тўпурари (128та гол) ҳисобланади. Жейми "Реал"дан Фернандо Йеррони танлади.

Рамзий жамоанинг ҳужум чизиғидан Лионель Месси ("Барселона" ва Самуэль Это'О ("Интер") ўрин олишди.

Каррагернинг рамзий жамоаси қуйидагича кўринишда бўлди:

Дарвозабон: Петр Чех («Челси», Чехия)

Ҳимоячилар: Морено Торричелли («Ювентус», Италия), Юрген Колер («Боруссия» Дортмунд, Германия), Фернандо Йерро («Реал», Испания), Давид Алаба («Бавария», Австрия).

Ярим ҳимоячилар: Дидье Дешам («Марсель», Франция), Стивен Жеррард («Ливерпуль», Англия), Кларенс Зеедорф («Аякс», Нидерландия), Кака («Милан», Бразилия).

Ҳужумчилар: Лионель Месси («Барселона», Аргентина), Самюэль Это′О («Интер», Камерун).

Захира: Деку («Порту», Португалия).

Мураббий: Алекс Фергюсон («Манчестер Юнайтед», Шотландия).