Паоло футболни Италия майдонларига қайтаришни хоҳламоқда.
Италиянинг «Милан» клуби техник директори Паоло Мальдини А Серия ўйинларини қайта тиклаш кераклигини таъкидлади. Акс ҳолда, футбол соҳаси катта йўқотишларга дуч келиши мумкин. Шу билан бирга, футболчи ва ходимларнинг хавфсизлигини таъминлаш муҳимдир.
«Чемпионатни якунлашга ҳаракат қилиш керак. Футбол – бу 5 миллиард евроси атрофида айланмаси бўлган соҳадир. Бу ҳам ижтимоий, ҳам спорт аҳамиятига эга. Барчасини қайтадан бошлашга ҳаракат қилиш керак. Табиийки, ҳамма учун хавфсизликни таъминлашингиз керак. Футболчиларнинг руҳий ҳолатини ҳам ҳисобга олишимиз керак», - деди Мальдини.
