Германия чемпионатининг 24-тури доирасидаги қолдирилган ўйин бўлиб ўтди. Бундеслигада қолиш учун кураш олиб бораётган «Вердер» ўз уйида бир неча поғона юоқрида бораётган «Айнтрахт»ни қабул қилиб, йирик ҳисобда имкониятни бой берди.

Биринчи бўлимда ҳисоб очилмади. 60-дақиқада эса Ангдре Силва меҳмонларни олдинга олиб чиқди. Учрашувнинг сўнгги дақиқаларида Ильзанкер иккита гол уриб, франкфуртликларнинг йирки ҳисобдаги ғалабасини таъминлади.

Ушбу ғалабадан кейин «Айнтрахт» ўз очколарини 35тага етказиб, жадвалда 11-ўринга кўтарилиб олди. «Вердер» эса 25 очко билан 17-поғонада қолмоқда.

Германия Бундеслигаси, 24-турнинг қолдирилган ўйини
Вердер – Айнтрахт Ф 0:3 (0:0, 0:3)
Голлар: 0:1 – 60 Андре Силва, 0:2 – 81 Ильзанкер, 0:3 – 90 Ильзанкер.
Вердер – Павленка, Гебре Селассие, Велькович, Мойсандер, Фридль (Аугустинссон, 76), Эггештайн, Фогт (Вольтемаде, 83), Классен, Осако (Битенкур, 76), Зельке (Саржент, 62), Бартельс (Рашица, 62).
Айнтрахт Ф – Трапп, Абраам, Хасебе, Хинтереггер, Туре, Кор, Роде (Ильзанкер, 81), Костич, Гачинович (де Гузман, 87), Камада (Соу, 77), Андре Силва (Дост, 77).
Огоҳлантиришлар: Бартельс (3), Хинтереггер (14), Велькович (87).