Ушбу рукнимиздаг энг сўнгги янгиликлар билан таништиришда давом этамиз.
Гетце Испанияда?!
Испаниянинг “Севилья” клуби эркин агентга айланган Марио Гетце билан шартнома имзолашни режалаштирмоқда.
“Sky Germany" нашрининг маълум қилишича, футболчи клуб билан музокаралар олиб бормоқда. Манбанинг маълум қилишича, Марио ўз теҳникасини намойиш этиши учун ҳам “Ла Лига”да тўп тепмоқда.
Эслатиб ўтамиз, Марио бу мавсумда Бундеслиганинг 21 та ўйинида майдонга тушди ва 3 та голга муаллифлик қилди.
Осимхен “Наполи”да?!
Франсиянинг “Лилль” жамоаси ҳужумчиси Виктор Осимхен деярли “Наполи” клуби билан шартнома имзолади.
“L'equipe"нинг маълум қилишича, “Наполи” Миликни сотиб юбориши билан Викторнинг трансферини расман эълон қилади.
Манбанинг маълум қилишича, агар ушбу трансфер амалга ошмаса, “Наполи” бор эътиборини Сердар Aзмунга қаратади.
Балотели 3 двизионда?!
Италия нашрларининг маълум бўлишича, “Брешиа” ҳужумчиси Марио Балотели тез орада “C серия” вакили “Комо” билан шартнома имзолаши мумкин.
Эътиборлиси шундаки, “Комо” жамоаси яқиндагина янги бадавлат раҳбар қўлига ўтган. Индонезиялик бизнесмен ўз жамоасида Балотеллини кўриш учун ҳужумчи истаган суммада маош бериш тайёр.
Эсалтиб ўтамиз, “Комо” Балотеллидан ташқари яна бир нечта машҳур футболчиларга таклиф билан чиққан.
“Интер” “Торино” ҳужумчисига кўз тикди
Миланнинг “Интер” жамоаси Турин клуби ҳужумчиси Aндреа Белотти билан шартнома имзолаши мумкин.
“Tuttosport" нашрининг маълум қилишича, Белотти билан “Манчестер Юнайтед” ва “Интер” клублари жиддий қизиқиб қолган.
Манбанинг маълум қилишича, “Интер” агар Лаутарони сотиб юборса, унинг ўрнини “Торино” ҳужумчиси билан тўлдирмоқчи.
Эслатиб ўтамиз, таниқли трансфермаркет портали италиялик форвордни 32 миллион еврога баҳоламоқда.
Тиаго “Ливерпуль” ўтади
Таниқли "Bild" нашрининг маълум қилишича, “Ливерпул” “Бавария” ярим ҳимоячиси Тиаго Aлкантара билан шартнома имзолашга жуда яқин турибди.
Манбанинг маълум қилишича, 29 ёшли испаниялик плеймейкер учун “қизиллар” 22 миллион фунт таклиф қилган. “Бавария” эса, ўз футболчисини 36 миллиондан камига қўйиб юбормоқчи эмас.
Эслатиб ўтамиз, Тиагонинг Мюнҳен клуби билан тузган шартномаси 2021-йилда ўз якунига етади.
