Англия чемпионати якунига ҳам битта тур қолди. Ҳозирча Чемпионлар лигасининг кейинги мавсуми учун "Ливерпуль" ва "Манчестер Сити" ўзига жой кафолатлади. Сўнгги турда яна 2та жамоа номи аниқ бўлади. 2 ўрин учун 3 жамоа: "Челси", "Манчестер Юнайтед" ва "Лестер Сити"лар кураш олиб боради.

"Челси"   учун "Вулверҳэмтон"га қарши ўйинда ютқазмасликнинг ўзи етарли. Дуранг ёки ғалаба "кўклар"га кейинги мавсум ЕЧЛда иштирок этиш ҳуқуқини кафолатлайди. Фрэнк шогирдлари АПЛ доирасида "Стэмфорд Бридж"да қаторасига 5та ўйинда буён мағлубият нималигини билмай келмоқда. Агар "Челси" ўз майдонида "Вулвз"га имкониятни бой берса, "Манчестер Юнайтед"нинг ғалабасигина "арристократлар"ни кучли тўртликда олиб қолади. 

"Манчестер Юнайтед"  "Лестер"га қарши ўйинда очко ололсагина, кучли тўртликда қолади.  Агар "МЮ" ютқазса, унда "Челси" – ЕЧЛ йўлланмасини қўлга киритади. Бироқ "Челси" "Вулверхэмтон"ни енгса, "Лестер" –  ЕЛЧсиз қолади. 

"Лестер Сити"  ЕЧЛга йўлланмани қўлга киритишни хоҳласа, "МЮ"га қарши ўйинда ғалаба қозониши керак. Роджерс жамоасида яна бир имконият бор. Агар "Челси" "Вулверхэмтон"га мағлуб бўлса, "тулкилар" "қизил иблислар" билан дуранг ўйнаган тақдирда ҳам кучли тўртликда қолади. "Лестер" шундай тақдирда урилган ва ўтказиб юборилган голлар эвазига "арристократлар"ни ортда қолдиради. Ҳар қандай шароитда ҳам "тулкилар"ни мағлубият қониқтирмайди.