Италиянинг «Брешиа» клуби ҳужумчиси Марио Балотеллига Туркиянинг «Бешиктош» клуби қизиқиш билдирмоқда.
Италия матбуотининг ёзишига қараганда, "Бешиктош" клуби раҳбарияти Балотеллининг агенти Мино Райола билан музокараларни бошлаб юборган. «Қора-оқлар» футболчининг ўзига 2,5 миллион евро йиллик маош таклиф қилмоқда.
Балотеллининг "Брешиа" клуби билан икки йиллик шартномаси мавжуд. Лекин, Марио барибир яқин вақт ичида жамоани тарк этади.
Чунки, биринчидан унинг жамоаси В Серияга равона бўлди, шу сабабли, футболчининг маошим камаяди. Иккинчидан ортда қолган мавсумда Балотелли клуб раҳбарияти билан бир неча марта низо чиқарди.
