"Вулверхэмптон" бош мураббийи Нуну Эшпирито Санту билан шартномани узайтириш бўйича музокара тафсилотлари маълум бўлди.
Daily Star нашри хабарига кўра, "бўрилар" раҳбарияти 46 ёшли португалиялик мураббийга йилига 5 миллион фунт маош билан янги шартнома таклиф қилишди.
Хабар қилинишича, амалдаги шартномаси 2021 йил июн ойининг охирида тугайдиган мутахассис, жамоа билан ишлашни давом эттиришга розилик беришдан олдин, ушбу ёзда таркибни кучайтириш ҳақида клубдан кафолат олмоқчи.
Эслатиб ўтамиз, 2019/20 йилги мавсумда "Вулверхэмптон" Англия чемпионатида 7-ўринни эгаллади ҳамда Европа Лигасининг чорак финалига чиқиб, "Севилья"га мағлуб бўлди (0:1).
