Англиянинг "Ливерпуль" клуби бош мураббийи Юрген Клопп жамоанинг етакчи футболчиларини жароҳати туфайли қишки трансфер ойнасида амалга оширилиши мумкин бўлган трансферлар ҳақида фикр билдирди.

«Январ ойида нима қилишимиз мумкинлигини билмайман. Кўрамиз. Биз ечимларни ташқаридан излашимиз мумкин, бу тушунарли. Ҳозир жамоамиз яхши, мен ихтиёримда бўлган ўйинчилардан фойдаланаман. Уларда имконият борлигидан хурсандман ва улар ҳам буни ҳис қилишмоқда.

Вазиятларни таққослашни истамайман, лекин 2008 йили "Боруссия" клубини бошқарганимда ўша пайтда менинг иккита марказий ҳимоячим бор эди - 19 ва 20 ёшли Матс Хуммелс ҳамда Невен Суботич. Аммо улар деярли барча пайт майдонга тушишган.

"Ливерпуль" таркибида ҳам 19 ёшдан 23 ёшгача бўлган ёш истеъдодли футболчилар кўп. Умид қиламанки, бир неча ҳафта ичида бизда кўпроқ ҳимоявий рол ўйнай оладиган ярим ҳимоячилар бўлади », - Клоппнинг сўзларидан иқтибос келтирмоқда Goal.com портали.