Италиянинг «Интер» клуби ижрочи директори Жузеппе Маротта жамоа ярим ҳимоячиси Кристиан Эриксен ҳақида фикр билдирди.

«Агар футболчининг жамоадан кетиш хоҳиши юқори бўлса, у ҳолда уни куч билан ушлаб қолишдан маъно йўқ. Бизда даниялик футболчини айблаш учун ҳеч қандай асос йўқ, у ўзини профессионалларча тутмоқда. Кристиан майдонга тушиш учун доим тайёр. Қачонки у майдонга тушадиган бўлса, мураббий талаб қилаётган вазифаларни бажаришга ҳаракат қилади.

Ҳозирча футболчи бошқа жамоага ўтиш ниятида эканлигини бизга айтгани йўқ. Лекин, фурсат бўлиши билан Эриксен борасида якуний қарорга келамиз», — деди Жузеппе Маротта.