Испаниялик ярим ҳимоячи, Мадриднинг "Атлетико" клубида ўйнаб ном қозонган Габи Фернандес футболчилик фаолиятини якунлади.

Эслатиб ўтамиз, испаниялик футболчининг сўнгги жамоаси - Қатарнинг "Ал Саад" клуби бўлди. Габи "Атлетико"даги футболчилик фаолиятида Европа Лигасида (2011/12, 2017/18), Испания чемпионатида (2013/14), Испания Кубогидла (2012/13), Испания Суперкубогида (2014), УЕФА Суперкубогида (2012) ғалаба қозонган ва икки марта (2014/14, 2015/16) Европа Чемпионлари Лигаси финалида ўйнаган.

"Бугун футболчилар фаолиятимга нуқта қўймоқчиман. Фаолиятим давомида доим мен билан бирга бўлган инсонларга, барча жамоадошларимга, мураббийларга, барча клуб ходимларига ва албатта дўстларим ва оиламга ўз миннатдорчилигимни билдираман. Улар оғир кунларимда ёнимда бўлишди. Шунингдек, мени нафақат майдонда яхши бўлишимни, балки унинг ташқарисида ҳам яхши бўлишимни талаб қилган мухлисларга ҳам раҳмат айтаман. Футбол инсонларнинг хотирасида қолишим учун кўплаб имкониятлар берди ва бу шубҳасиз энг катта ютуқ. Барчага раҳмат", - деб пост қолдирди Габи ўзининг "Instagram"даги расмий саҳифасида.