Германиянинг «Байер» клуби ярим ҳимоячиси Флориан Вирц Европа Лигасининг 6-тур доирасида «Славия» клубига қарши ўтказилган ўйин қайдномасидан жой олмади.
«Доришунослар» бош мураббийи Петер Боснинг айтишига қараганда, 17 ёшли Вирц мактабдаги имтиҳонлари сабабли ушбу ўйинда иштирок эта олмаган.
«Пайшанба куни унинг муҳим имтиҳони бор эди. Бу ўйиндан кўра, мактаб муҳимроқ», - деди Бос ўйиндан Вирц ҳақида.
Қайд этиш керакки, Флориан Вирц "Байер"нинг Европа Лигаси гуруҳ босқичидаги бешта ўйинида майдонга тушишга улгурди.
«Байер» «Славия»ни 4:0 ҳисобида мағлуб этиб, Европа Лигасининг плей-офф босқичига йўл олди.